ඉතිහාසය

පානම්පත්තුවේ සොඳුරු වන ලැහැබකට මායිම්ව පිහිටා ඇති අප පාසලේ අද වන විට ප්‍රදේශයටම ආලෝකයක් වූ කීර්තිමත් විදුබිමක් බවට පත්ව ඇත.වර්ෂ 1927 සැප්තැම්බර් 1 වන දින ලාහුගල ගම්පියසේ පැරණි ලාහුගල නම් ප්‍රදේශයේ එක් ගොඩනැගිල්ලකින් අප පාසල ආරම්භ විය.මෙහි මුල් ගුරුවරයා ලෙස කේ.එම්.මකුලොළුව මහතා පත්වීම් ලද අතර එදින ළමුන් 20 දෙනෙකුගෙන් පාසල ආරම්භ විය.ඉන් අනතුරුව 1957 පෙබරවාරි 15 වන දිනට යෙදෙන සුබ මොහොතින් අප පාසල පිහිටි ස්ථානයේ නව ගොඩනැගිල්ලක් සහ ගුරු නේවාසිකාගාරයකින් යුක්තව ළමුන් 78 දෙනෙකුගෙන් යුතුව මෙම පාසල නැවත නව ස්ථානයක ස්ථාපනය කරන ලදී.එදින ෆ්‍රැන්සිස් අසීසි නැමති විදුහල්පතිවරයෙකු යටතේ පාසල් නැවත ආරම්භ විය.

ඉන් අනතුරුව රජයට අයත් අක්කර 3ක භූමි ප්‍රමාණයක අලුතින් පාසල අරම්භවූ අතර පාසලට මායිම්ව පැවති අක්කර 5ක කුඹුරු ඉඩම් එහි මුල් අයිතිකරුවන් වන කේ.හුදුබණ්ඩා මහතා හා කේ.එම්.අලගරත්න මහතා විසින් පාසලට පරිත්‍යාග කරන ලදී.අනතුරුව පාසල් ක්‍රීඩා පිටිය සදහා රජයේ ඉඩමක් පැවරීමත් සමග වර්තමානය වනවිට අප පාසල අක්කර 11ක භූමි ප්‍රමාණයකින් යුක්ත වේ.
අප පාසල 1991 දී උසස් පෙළ කලා විෂය ධාරාව සදහා නැවත ලියාපදිංචිය ලබාගත් අතර එදින සිට මහා විද්‍යාලයක් බවට පත් විය.එදා සිට අද දක්වා උසස් පෙළ කලා විෂය ධාරාව යටතේ අධ්‍යන කටයුතු සිදුකරනු ලබයි.
දැනට පාසලේ ප්‍රධාන ශාලා ගොඩනැගිල්ල ඇතුලුව පංති කාමර ගොඩනැගිලි 6 කින් ද විද්‍යාගාර දෙකකින් ද ගුරු නේවාසිකාගාර 3කින් ද සමන්විත වේ.ලාහුගල ගම් ප්‍රදේශයේ මහා රුකක් බදුව විරාජමානව බැබළෙමින් පවතී.
අද වගේම හෙටත් අප පාසල ප්‍රදේශයේ දුව දරුවන්ගේ නැණ පහන් දල්වමින් මතු අනාගතය සදහා ගුණ ගරුක පරපුරක් රටට දායාද කිරීමට මග බලා සිටී.